Autoritetet iraniane kanë ekzekutuar tri gra për vrasjen e burrave të tyre, ka deklaruar një organizatë e të drejtave të njeriut.

Sipas Grupit të të Drejtave të Njeriut në Iran, ato ishin mes 32 personave të ekzekutuar vetëm javën e kaluar, transmeton portal arbresh.info

Një ish-nuse fëmijë, e dënuar më vonë për vrasjen e burrit me të cilin ishte martuar në moshën 15-vjeçare, ishte mes tyre.

Autoritetet besohet se kanë rritur ndjeshëm përdorimin e dënimit me vdekje, duke ekzekutuar dy herë më shumë njerëz deri më tani këtë vit sesa të kaluarën.

Grupet e të drejtave raportojnë se Irani gjithashtu ekzekuton më shumë gra se çdo vend tjetër, shumica e të cilave mendohet se janë shpallur fajtore për vrasjen e burrave të tyre.

Grupi i të Drejtave të Njeriut në Iran thotë se ish-nusja Soheila Abadi u var në burg pasi u dënua për vrasjen e burrit të saj pasi u martua me të 10 vjet më parë kur ajo ishte 15 vjeç.

Gjykata e dënimit thuhet se ka thënë se motivi i vrasjes kanë qenë “mosmarrëveshjet familjare”.

Aktivistët thonë se shumë nga rastet përfshijnë akuza për dhunë në familje, por gjykatat iraniane shpesh nuk e marrin parasysh këtë.

Shifra të sakta mbi numrat e ekzekutimeve nuk janë të disponueshme pasi autoritetet iraniane nuk shpallin zyrtarisht çdo rast ku është kryer dënimi me vdekje.

Sipas një studimi të publikuar në prill nga dy grupe të të drejtave, vetëm 16.5% e ekzekutimeve që besohet se janë kryer në Iran vitin e kaluar u njoftuan nga zyrtarët./arbresh.info/